CCLVI.

1364, December 26. Münsterberg.

Bolko, Herzog von Schlesien und Herr von Münsterberg, bestätigt den Ankauf eines Zinses von 21 Mark auf den herzoglichen Gefällen zu Gross-Nossen durch das Stift.

(I)n nomine domini amen. Nos Bolko dei gratia dux Slezie et dominus in Munsterberg, ad universorum tam presentium quam futurorum notitiam presentibus volumus devenire, quod in nostra constitutus presentia strennuus et honestus miles, dominus Beneschius Seckel de Rychinbach nomine suo suorumque heredum ac successorum omnium, quorum quicunque interest vel interesse poterit quomodolibet in futurum, non coactus, nec deceptus aut per errorem seductus seu etiam dolo circumventus, sed tam mente quam corpore bene sanus, bona et libera voluntato et ex certa sua scientia prehabita in prius desuper secum et cum suis amicis deliberatione bona et matura, de et cum consilio eorundem suorum amicorum speciali, honorabili ac religioso viro, domino Andree abbati ordinis Cysterciensis beate et gloriose virginis Marie in Camencz suisque successoribus abbatibus, necnon toti conventui ibidem, viginti marcarum et unius marce redditus annui et perpetui census in et super omnibus iuribus principis vel ducalibus in villa Magna Nussyn Munsterbergensis districtus, videlicet exactionibus ducalibus, pecuniis monetalibus et annone, stationibus, que vulgariter "leger" dicuntur, steuris, collectis, contributionibus, dationibus, honoribus, vecturis, araturis, petitionibus, precariis, angariis et perangariis ae ceteris proventibus, quibuscunque censeantur nominibus, de iure vel consuetudine introductis vel introducendis, inventis vel adinveniendis, petitione tamen generali dumtaxat exclusa, quam cum aliis nostris omagialibus et pheodalibus nobis nostrisque heredibus et successoribus locis et temporibus se offerentibus oportunis solvere tenebuntur, rite et rationabiliter pro ducentis et decem marcis grossorum Pragensium numeri Polonicalis iam sibi datis, numeratis et cum parata pecunia ad integrum persolutis, vendidit et coram nobis et in nostras manus iusto venditionis tytulo voluntarie resignavit. Nos igitur ad utrarumque partium votivam supplicationis instantiam in predicte venditionis, emptionis simul et resignationis contractum benivole consentimus ipsumque tamquam gratum, ratum et perpetue duraturum studiose presentibus approbamus, ratificamus et confirmamus predictosque viginti marcarum et unius marce redditus annui et perpetui census in et super omnibus iuribus nostris principis vel ducalibus in prenominata villa Magno Nussyn Munsterbergensis districtus antedicti, videlicet exactionibus ducalibus, pecuniis monetalibus et annone, stationibus, que vulgariter "leger" dicuntur, steuris, collectis, contributionibus, dationibus, honoribus, vecturis, araturis, petitionibus, precariis, angariis et perangariis ac ceteris proventibus, quibuscunque etiam censeantur nominibus, petitione tamen generali, ut premittitur, dumtaxat exclusa, predicto honorabili ac religioso viro, domino Andree abbati in Camencz suisque successoribus abbatibus necnon toti conventui ibidem habendos, tenendos et perpetue possidendos damus, conferimus et donamus. In cuius rei perpetuum testimonium presentes nostras desuper scribi et dari mandavimus literas cum nostrorum sigillorum munimine roboratas; presentibus Johanne de Budow, Peregrino de Satko militibus; Ottone Hoslow, Peczkone Sthosschen, Wenceslao de Hugewicz, Henczelino Hunt fidelibus nostris et domino Nicolao Fabri curie nostre capellano et notario testibus ad premissa per nos deputatis. Datum Munsterberg in die sancti Stephani prothomartyris, anno domini millesimo trecentesimo sexagesimo quarto.

Or. Perg. Das Reitersiegel des Herzogs, mit Rücksiegel, an gedrehter Schnur von ponceaufarbiger Seide.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.